Zbatimi i Kushteve të  sigurimit

Këto Kushte aplikohen  për sigurim e përgjegjësisë nga veprimtaria profesionale dhe nëse përgjegjësia sigurohet në ndonjë lloj tjetër sigurimi, këto Kushte aplikohen nëse kushtet për këtë lloj sigurimi e parashikojnë këtë.

 
Kuptimi i shprehjeve të veçanta

Shprehjet e veçanta të përdorura në këto Kushte kanë këto kuptime:

1.     “sigurues” – shoqëri aksionare për sigurim  me të cilën është lidhur kontrata
          e sigurimit,

2.     “kontraktuesi i sigurimit” – personi që me siguruesin lidh kontratën e
         sigurimit,

Objekti i sigurimit

(1)   Objekt i sigurimit sipas këtyre Kushteve është përgjegjësia ligjore e të siguruarit për dëmin e shkaktuar, për shkak të vdekjes, lëndimit të trupit ose shëndetit, përkatësisht dëmtimit ose  zhdukjes së sendeve të personit të tretë.

(2)   Me këtë sigurim mbulohet përgjegjësia për dëmin e shkaktuar në qoftë se është  bërë ose nga veprimtaria profesionale e të siguruarit, ose nga zotërimi i sendeve, ose nga raporti juridik, ose nga vetia e caktuar si burim i rreziqeve që janë shënuar në policën e sigurimit, përkatësisht në ofertë.

(3)   Me sigurim gjithashtu mbulohet përgjegjësia për dëmin e shkaktuar nga:

1.     rritja e rrezikut  të siguruar ose  zgjerimi i burimit të rrezikut që është shënuar në policë gjatë kohës së sigurimit;

2.     burimi i ri i rezikut që paraqitet te i siguruari pas lidhjes së kontratës së sigurimit në vështrim të nenit 5 të këtyre Kushteve (sigurimi nga burimet e reja të rrezikut).

(4)   Përgjegjësia e kontraktuar nuk është e mbuluar me sigurim, përveç nëse kjo është parashikuar me  këto Kushte ose me kushte plotësuese ose është kontraktuar në mënyrë të veçantë.

(5)   Nëse kjo është parashikuar në dispozitat plotësuese të këtyre Kushteve, ose nëse  është kontraktuar në mënyrë të posaçme,  sigurimi mbulon edhe përgjegjësinë për:

1.     dëmet për shkak të vjedhjes ose humbjes së sendeve;

2.     dëmet që  nuk janë shkaktuar as nga lëndimi i personit as nga dëmtimi përkatësisht zhdukja e sendeve  të ashtuquajtura dëm “i pastër” pasuror.

Zgjerimi i sigurimit

(1)   Në kuadër të burimit  të siguruar të rrezikut të veprimtarisë është përfshirë edhe përgjegjësia e të siguruarit nga:

1.     shfrytëzimi, përkatësisht zotërimi, qiradhënia ose përfitimi i fryteve: të tokës, ndërtesave dhe lokaleve që shfrytëzohen ekskluzivisht  për nevojat e veprimtarisë ose të profesionit të siguruar;

2.     shfrytëzimi i objekteve të standardit shoqëror, që u shërbejnë ekskluzivisht punëtorëve  të të siguruarit (si p.sh. restorantet  e ushqimit shoqëror, banjat, pushimoret, fushat sportive etj);

3.     përdorimi i ashensorëve të udhëtimit dhe  të bartjes;

4.     përdorimi i  biçikletave zytare për nevoja të veprimtarisë së siguruar;

5.     magazinimi i materialit për zjarr dhe për vënie në lëvizje për përdorim eksluziv në ushtrimin e veprimtarisë ose  profesionit të siguruar;

6.     për shkak të  vjedhjes ose  humbjes së sendeve të përdorimit personal të punëtorëve të të siguruarit, përveç: të hollave, fotoaparatit, sendeve me vlerë të të gjitha llojeve, letrave me vlerë dhe dokumenteve të të gjitha llojeve, me kusht që sendet të jenë vendosur në lokale të mbyllura ose në kthina të mbyllura;

7.     mbajtja  dhe përdorimi  i makinave punuese jovetëlëvizëse dhe i mjeteve transportuese jovetëlëvizëse për nevojat e veprimtarisë së siguruar;

8.     shfrytëzimi i makinave punuese vetëlëvizëse dhe i mjeteve transportuese vetëlëvizëse kur nuk janë në funksion të automjeteve motorike (të ashtuquajtura “rrezik pune”);

9.     mbajtja dhe shfrytëzimi i kafshëve tërheqëse, me kusht që ky burim rreziku të kontraktohet posaçërisht tek shpediterët dhe transportuesit sipas profesionit.

(2)   Kur është fjala për objektet e përmendura në paragrafin  (1) pika 1 dhe 2 të këtij neni,  sigurimi  përfshin  edhe përgjegjësinë:

1.     e të siguruarit  si investitor ose kryes i punimeve  ndërtimore (ndërtim i ri, meremetim, riparim, gëlqerosje, mihje etj.) kontraktimi i sigurimit mund të bëhet në shumën minimale të sigurimit prej 30,000.00 €, për një rast të siguruar me mundësi të zgjidhjes së shumave të sigurimit edhe më të mëdha, duke shfrytzuar pjesëmarrje në dëme dhe  lirime në prim.

2.     nga zotërimi i garazheve  që gjenden  në pasurinë e paluajtshme të siguruar,kur nuk i referohet garazhit që shfrytëzohet për ushtrimin e veprimtarisë ose për garazh hoteli.

Sigurimi nga burimet e reja të rrezikut

(1)   Nëse kontrata e sigurimit është lidhur me pagesën e primit të sigurimit tërësisht ose pjesërisht, në bazë të fitimeve mesatare neto të punëtorëve ose të hyrave të përgjithshme mbulesa  nga sigurimi zgjerohet edhe për përgjegjësinë nga burimet e reja të rrezikut që paraqiten tek i siguruari pas  lidhjes së kontratës së sigurimit në qoftë se për këtë burim të ri rreziku nuk është përfunduar një sigurim i veçantë.

(2)   Obligimi i siguruesit për kompensim nga sigurimi fillon menjëherë me të paraqitur të burimit të ri të rrezikut. I siguruari ka për detyrë që në fund të periudhës së sigurimit, me rastin e përcaktimit të shumës përfundimtare të primit, të paraqesë të gjitha burimet e reja të rrezikut.

(3)   Nuk krijohet obligimi i siguruesit për kompensim nga sigurimi në rast të paraqitjes së burimit të ri të rrezikut, nëse siguruesi sipas kushteve të sigurimit dhe tarifës së primit nuk siguron një burim të tillë rreziku.

(4)   Për burimet e reja të rrezikut vlen shuma e sigurimit që është në policën  e sigurimit të siguruar për burimet e mëhershme të siguruara të rrezikut. Nëse polica , për burime të veçanta rreziku, përmban shuma të ndryshme sigurimi, do të vlejë shuma e sigurimit për burimet e rreziqeve te të cilat prima llogaritet në bazë të  fitimit neto ose të hyrave të përgjithshme nga veprimtaria. Nëse ekzistojnë disa shuma të ndryshme të sigurimit për të cilat prima llogaritet në këtë mënyrë, si e kontraktuar do të vlejë shuma më e madhe e sigurimit.

(5)   Sigurimi i burimeve të reja të rrezikut nuk mbulon përgjegjësinë nga:

1.     mbajtja ose përdorimi i hekurudhës, teatrit, kinemasë, cirkut, tribunave si edhe xhirimit  të filmave;

2.     mbajtja dhe përdorimi i planerëve, automjeteve në ujë dhe automjeteve motorike;

3.     punimi, përpunimi, vendosja, transporti, përdorimi dhe tregtimi i materialit eksploziv, përveç në rastet kur për këtë ekziston leja  e organit kompetent;

4.     gjuetia si veprimtari dhe si sport gjahu.

Vëllimi i mbulesës për dëmet për shkak të ndotjes së tokës dhe ujit

(1)   Me ndotje të tokës dhe të ujit kuptohet ndryshimi i vetive të natyrshme biologjike, kimike ose fizike të tokës ose ujit për shkak të emisionit të materieve të dëmshme që mund të shkaktojnë ndryshime të tilla.

(2) Sigurimi  përfshin vetëm dëmet për shkak të lëndimit të trupit ose shëndetit të ndonjë personi që janë pasojë e ndotjes.

(2)   Nëse kntraktohen  posaçërisht dëmet për shkak të zhdukjes ose dëmtimit të sendeve, janë  të mbuluara me sigurim nëse janë shkaktuar nga  prishjet  e paparashikuara  me ndonjë stabiliment ose  për shkak të zjarrit apo  shpërthimit. Përgjegjësia për dëme për shkak të  ngjarjes së papritur dhe të befasishme është përfshirë në sigurim edhe atëherë kur vetë dëmet janë shkaktuar gradualisht.

(3)    Përgjegjësia për dëme lidhur me rritjen  e burimit të rrezikut të shënuar në policë për shkak të përparimit  ose ndryshimit të prodhimit nuk është përfshirë në sigurim, përveç në rastet kur kjo kontraktohet posaçërisht.

(4)   I siguruari merr pjesë në çdo rast të siguruar  10%, minimum 1,000.00 € .

(5)   Nga sigurimi është përjashtuar përgjegjësia për dëmet  që do të  ndodhin për shkak se i siguruari nuk i ka mirëmbajtur  dhe riparuar instalimet për pastrimin e ujrave të zeza dhe produkteve të tjera të hedhura, as nuk  iu ka përmbajtur masave të tjera të parashikuara me dispozitat për mbrojtjen e mjedisit jetësor të njeriut.

Sigurimi nga përgjegjësia për dëme “të pastra” pasurore

(1)   Nëse kontraktohet në mënyrë të posaçme (neni 3, paragrafi (5) pika 2 ose kur kjo është parashikuar me dispozitat plotësuese të këtyre Kushteve,  sigurimi  mbulon përgjegjësinë për  dëme “të pastra”pasurore, d.m.th. dëmet që nuk janë shkaktuar as nga lëndimi i trupit apo shëndetit të ndonjë personi, as nga dëmtimi apo zhdukja e sendeve.

(2)   Konsiderohet se rasti i siguruar është krijuar atëherë kur është kryer veprimi, përkatësisht nuk është kryer veprimi i duhur  gjatë ushtrimit në policën e veprimtarisë së shënuar, posedimit të ndonjë sendi etj. (burim i rrezikut) me të cilin i është shkaktuar dëm “i pastër” pasuror ndonjë personi.

(3)   Sigurimi  përfshin përgjegjësinë për dëme, shkaku i të cilave (veprimi ose mosveprimi ) është krijuar gjatë kohës së sigurimit.

(4)   Nëse dëmi është bërë për shkak të mosveprimit konsiderohet, në rast dyshimi, se mosveprimi ka ndodhur atë ditë  kur veprimi i pakryer është dashur të ndërrmeret për të  shmangur dëmin.

(5)   Sigurimi  përfshin veprimet, përkatësisht mosveprimet  në Kosovë, pasojat e të cilave poashtu kanë lindur në Kosovë.

(6)   Nga sigurimi janë përjashtuar dëmet:

1.     për shkak të tejkalimit të parallogarisë dhe kredive sipas kontratave për blerje dhe shitje e sidomos për shkak të mospërmbushjes së afateve të kontraktuara të  liferimit dhe obligimeve të garantuara;

2.     për shkak të  ndërmjetësimit në  punë financiare dhe  në punë të tjera ekonomike;

3.     të krijuara për shkak të deficitit në arkë, gabimeve gjatë pagesave dhe shpërdorimit nga  ana e punëtorit të të siguruarit;

4.     për shkak të taksimit të padrejtë dhe të metave të tjera për sa i përket ngarkimit me  taksa;

5.     të shkaktuar  me faktin që  i siguruari nuk e ka vërejtur gabimin në llogari, parallogari ose në masa në vizatime;

6.     për shkak të  humbjes së sendeve.

(7)   Obligimi i të siguruarit, sipas dispozitave të këtij neni,  është i kufizuar në 25 % të shumës së sigurimit që është parashikuar për rastin e siguruar nga shuma  për dëmtimin e sendeve, përkatësisht shuma e përbashkët e sigurimit, përveç nëse është kontraktuar ndryshe.

                                                    Përjashtimi nga sigurimi

(1)   Sigurimi nuk mbulon:

1.     përgjegjësinë  e të siguruarit për  dëmin e shkaktuar qëllimisht, përveç nëse dëmin e ka shkaktuar  qëllimisht punëtori i të siguruarit, në të cilin rast siguruesi hyn në të drejta  të të siguruarit ndaj punëtorit si person përgjegjës;

2.     përgjegjësinë për dëmet e lidhura drejtpërdrejt me përdorimin e materieve radioaktive, përveç përgjegjësisë për radioizotope që shfrytëzohen për qëllime paqësore në mjekësi etj.

3.     përgjegjësinë për dëmet nga mbajtja ose përdorimi i automjeteve motorike që i nënshtrohen sigurimit të detyrueshëm, planerëve, automjeteve në ujë;

4.     dëmet  që i pësojnë i siguruari,  bashkëshorti/ja  i/e të siguruarit,  fëmijët dhe personat e tjerë që jetojnë me ta në bashkësi familjare e cila e ka për detyrë t’i mbajë;

5.     përgjegjsinë e të siguruarit në bazë të zgjerimit të kontraktuar të përgjegjësisë së tij  edhe për rastet me të cilat përgjigjet;

6.     dëmet  në sende ose në punë të kryera të cilat i siguruari ose ndonjë person tjetër  sipas urdhrit të tij ose për llogari të tij i ka punuar ose liferuar, në qoftë se shkaku i dëmit qëndron në punimin ose liferimin  e sendeve;

7.     dëmet nga produketet me të meta;

8.     dëmet në sendet e huaja të shkaktuara nga i siguruari në këto ose me këto sende të veprimtarisë nga profesioni (si p.sh. përpunimi, riparimi, transporti, ekzaminimi etj.), përveç nëse dëmi është shkaktuar nga ngjarja që nuk është e lidhur drejtpërdrejt me  gabime profesionale të të siguruarit;

9.     dëmet që janë bërë si pasojë e veprimit të vetëdijshëm në kundërshtim me dispozitat ose rregullat sipas të cilave ushtrohet veprimtaria apo profesioni si burim rreziku nga polica.

10.   dëmet që janë pasojë e ndotjes së ajrit;

11.  dëmet që janë pasojë e sëmundjeve profesionale të punëtorëve të të siguruarit;

(2)   Me sigurim nuk jan mbuluar dëmet që bëhen në sende për shkak të:

1.     ndikimit të vazhdueshëm të temperaturës, gazeve, avullit, lagështisë ose të reshurave (tymit, blozës, pluhurit etj.), si edhe për shkak të  mykut, tronditjes, pyjeve etj. që ka për pasojë shkaktimin gradual të dëmit;

2.     uljes së truallit ose  rrëshqitjes së dheut;

3.     vërshimeve nga ujërat amull, rrjedhëse dhe nëntokësore.

(3)   Nëse kontraktohet posaçërisht, sigurimi përfshin përgjegjësinë për dëmin:

1.     për shkak të pjesëmarrjes në gara hipizmi, gara çiklike, motoçiklike dhe automobilistike, në meçe boksi dhe mundjeje, si dhe pjesëmarrjes në përgatitjet për  gara të përmendura;

2.     në sendet e huaja të cilat kontraktuesi i sigurimit i ka marrë me qira, për hua-përdorje, hua, për t’i ruajtur, transngarkim etj.

Vlefshmëria territoriale e sigurimit

Në sigurim janë përfshirë rastet e siguruara  që kanë ndodhur në territorin e Kosovës, kurse në territorin e vendeve të tjera vetëm atëherë kur kjo kontraktohet posaqërisht ose kur është parashikuar me dispozita plotësuese.

Rasti i siguruar

(1)      Konsiderohet se rasti i siguruar ka lindur në atë moment kur ngjarja e dëmshme, në bazë të së cilës do të mund të lindte kërkesa për kompensim nga sigurimi kundër të siguruarit, ka filluar  së vepruari.

(2)      Disa ngjarje të dëmshme  që kanë ndodhur nga i njëjti shkak ose  nga shkaqe të njëllojta  që janë të lidhura me termin kohor  konsiderohen si një rast i siguruar.

Vlefshmëria kohore e sigurimit

(1)  Siguruesi hyn në detyrim vetëm atëherë kur rasti i siguruar  ndodh në kohën e vlefshmërisë së sigurimit.

(2) Rasti i siguar që ka lindur gjatë kohës së sigurimit të vlefshëm, shkaku i të cilit rrjedh nga periudha pararëndëse e lidhjes  së kontratës së sigurimit ose nga koha kur është ndërprerë sigurimi, është i mbuluar me sigurim  vetëm  nëse  kontraktuesi i sigurimit ose i siguruari deri në fillimin e sigurimit apo rifillimin e sigurimit nuk e  ka ditur  ose nuk ka mundur ta dijë  shkakun nga i cili rrjedh rasti i siguruar.

(3) Nga dëmet për shkak të dëmtimeve të shëndetit që  ndodhin gradualisht, në rast dyshimi, konsiderohet se ngjarja e dëmshme ka ndodhur atëherë kur për të parën herë nga mjeku është konstatuar dëmtimi i shëndetit.

Shuma e sigurimit

 (1) Shuma e sigurimit është detyrim maksimal i siguruesit.

(2)Shuma e sigurimit është e ndryshueshme dhe përcaktohet në vlera absolute në atë mënyrë që numri i fitimeve mesatare të paguara neto  të shumës së kontraktuar shumëzohet me shumën e fitimit  neto mesatar të paguar në muaj që vlen në ditën e likuidimit të dëmit.

Me fitim neto mesatar të paguar kuptohet fitimi neto mesatar i paguar sipas  të dhënave statistikore të shpalluara zytarisht për punëtor në Kosovë për periudhën e mëparshme përllogaritëse.

(3)Zbrazja e  shumës së sigurimit nga paragrafi i mësipërm realizohet kur shuma e kompensimit të jetë e barabartë me shumën e përcaktuar në ditën e likuidimit të dëmit te pagesat e njëhershme, ose  kur shuma e pagesave të shprehura në  % të shumës së sigurimit të përcaktuar në vështrim të paragrafit të mësipërm të arrijë 100%.

Detyrimet e të siguruarit pas krijimit të rastit të siguruar

(1) I siguruari ka për detyrë të njoftojë të siguruarin  për  krijimin e rastit të siguruar, si edhe për kërkesën e paraqitur për dëmshpërblim jo më vonë se 3 ditë pas njoftimit.

(2) I siguruari ka për detyrë të informojë siguruesin edhe atëherë kur kërkesa për dëmshpërblim kundër tij të jetë paraqitur nëpërmjet gjykatës,  kur të jetë nën arrest si edhe  kur të ketë filluar procedura për sigurimin e provave.

(3) Nëse ka filluar hetimi, është ngritur padia ose është marrë vendimi për procedurë penale, i siguruari ka për detyrë që  ta njoftojë menjiherë siguruesin, qoftë edhe atëherë kur  ta ketë paraqitur  ngjarjen e dëmshme që ka ndodhur. Gjithashtu është i detyruar të dërgojë konstatimin e organit kompetent lidhur me ngjarjen e dëmshme që ka ndodhur.

(4) Nëse me sigurim është mbuluar rreziku i vjedhjes së sendeve, i siguruari është i detyruar që menjëherë ta paraqesë vjedhjen tek organi i sigurimit publik.

(5) I siguruari nuk është i autorizuar që pa pëlqimin paraprak të siguruesit të deklarohet rreth kërkesës për  kompensimin e dëmit, e sidomos ta pranojë plotësisht ose pjesërisht, as  ta bëjë barazimin në kompensim  apo pagesën në kërkesën e dëmshpërblimit, përveç nëse sipas gjendjes së fakteve nuk ka pasur mundësi të  refuzojë  akceptimin, kompensimin – pajtimin ose pagesën  e që me këtë të mos bëjë një padrejtësi flagrante. Në qoftë se i siguruari në lajthim ka konsideruar se ekziston përgjegjësia e tij ose  se janë vërtetuar drejt faktet, kjo nuk e justifikon.

(6) Nëse nuk arrihet marrëveshja për kompensim nga sigurimi me procedurë jashtëgjyqësore, e si rrjedhim i dëmtuari bën padi kundër  të siguruarit  në  procedurën kontestimore ose procedura kontestimore hapet në bazë të vendimit të gjyqit në procedurën penale për dëmin, i siguruari ka për detyrë t’i dërgojë siguruesit letërthirjen gjyqësore përkatësisht padinë dhe të gjitha shkresat lidhur me ngjarjen e dëmshme dhe kërkesën për kompensimin e dëmit, si edhe  zhvillimin e kontestit t’ia lërë në dorë siguruesit.

(7) Nëse i siguruari kundërshton propozimin e siguruesit që kërkesa për kompensimin e dëmit të zgjidhet me pajtim, siguruesi nuk është i detyruar të paguajë tepricën e kompensimit, kamatat dhe shpenzimet e krijuara nga ky shkak.

(8) Në rast se i dëmtuari i drejtohet drejtpërdrejt me kërkesë për kompensim të dëmit siguruesit, i siguruari është i detyruar që  siguruesit t’ia ofrojë të gjitha provat dhe të dhënat që i ka  në dorë dhe që janë të domosdoshme për përcaktimin e përgjegjësisë për dëmin e bërë dhe për vlerësimin e bazueshmërisë së kërkesës  si dhe  lartsisë së dëmit.

(9) Nëse  i siguruari për shkak të  rrethanave të ndryshuara fiton të drejtën që t’i hiqet ose t’i pakësohet renta personit të dëmtuar, ka për detyrë që ta njoftojë për këtë siguruesin.

(10) Nëse i siguruari nuk i përmbahet detyrimit nga ky nen,  do të heqë pasojat e dëmshme që lindin nga kjo, përveç atëherë kur ato do të krijoheshin edhe sikur t’i përmbahej obligimit.

Detyrimi i siguruesit pas  krijimit të rastit të siguruar

Pas krijimit të rastit të siguruar siguruesi është i detyruar:

             1. të ndërmarrë, bashkë me të siguruarin, mbrojtjen nga kërkesat e pambështetura ose të tepruara për kompensimin e dëmit ( mbrojtja juridike neni 15);

            2. të plotësojë kërkesat e bazuara për kompensim nga sigurimi (kompensimi nga sigurimi neni 16);

            3. të kompensojë shpenzimet e procedurës gjyqësore (kompensimi i shpenzimeve neni 17).

Mbrojtja juridike

(1) Obligimi i siguruesit për mbrojtjen juridike përfshin:

            1. shqyrtimin e  përgjegjësisë së të siguruarit për dëmin e bërë;

            2. zhvillimin e  kontestit në emër të të siguruarit nëse i dëmtuari realizon të drejtën e dëmshpërblimit në procedurën kontestimore;

            3.  dhënien e të gjitha deklaratave  në emër të të siguruarit, të cilat i konsideron të  arsyeshme për satisfaksion ose mbrojtje nga kërkesa e pabazuar ose  e tepruar për dëmshpërblim.

            (2) Me pëlqimin  dhe sipas udhëzimit të siguruesit, zhvillimi i kontestit mund t’i besohet të siguruarit, i cili në rastin e tillë  ka për detyrë t’u përmbahet udhëzimit dhe urdhrit  të siguruesit në lidhje me  procedurën kontestimore.

            (3) Siguruesi mund të marrë përsipër  zhvillimin e procesit ndërgjyqës ose të paraqitet në vend të të siguruarit apo të marrë pjesë me cilësinë  e personave të implikuar.

            (4) Siguruesi është i autorizuar të refuzojë zhvillimin e kontestit ose t’ia lërë atë të siguruarit nëse vlerëson se nuk ka vend për ofrimin e mbrojtjes juridike duke pasur parasysh masën e dëmshpërblimit të kërkuar dhe  shumën e sigurimit.

            (5) Në rastë se siguruesi  në emër të kompensimit nga sigurimi  paguan shumën e sigurimit para fillimit të kontestit pushon së qeni edhe obligimi i tij për mbrojtje juridike.

Kompensimi nga sigurimi

            (2) Nëse kontesti  është bërë pa dijen dhe  pa pëlqimin e siguruesit, me sigurim  mbulohen shpenzimet e kontestit vetëm brenda caqeve të shumës së sigurimit me kusht që kontesti të jetë i bazuar dhe shpenzimet të arsyeshme.

            (3) Siguruesi  paguan shpenzimet e avokatit në procedurën penale kundër të siguruarit për shkak të ngjarjes që do të mund të kishte si pasojë paraqitjen e kërkesës për kompensim nga sigurimi në bazë të përgjegjësisë së mbuluar me sigurim vetëm në rastet e veçanta nëse është i njohur me  deponimin e avokatit dhe nëse ka pranuar të përballojë shpenzimet. Shpenzimet e procedurës penale, si edhe shpenzimet e përfaqësimit të palës së dëmtuar,  siguruesi nuk i kompenson.

            (4) Pasi ta  kryejë obligimin e vet me pagesën e shumës së sigurimit dhe pjesës përkatëse të shpenzimeve, siguruesi lirohet nga pagesat e tjera të mëtejshme në emër të kompensimit të shpenzimeve të një rasti të siguruar.

Zbatimi i Kushteve të përgjithshme për sigurimin e pasurisë

Avoketët,ndërmjetsuesit në punët e sigurimeve dhe të risigurimeve