1.1          DEFINICIONET

1.1.1            PRONA E SIGURUAR

Godinat në lokacion,muret e jashtme, portat dhe rrethojat duke i përfshirë pajisjet e fiksuara dhe të montuara të pronarit aty dhe mbi atë.

1.1.2.          SHUMAT E SIGURUARA

Shumat e theksuara në (policë)- listë sipas këtij SEKSIONI

1.1.3           MESATARJA SIÇ ZBATOHET NË KËTË SEKSION

Çdo shumë e Siguruar është e deklaruar të jetë objekt i mesatares, d.m.th. nëse prona e siguruar në këtë mënyrë, në kohën e ndonjë shkatërrimi, dëmi apo humbje, bashkërisht duke qenë më e madhe se vlera e shumës së Siguruar, atëherë i Siguruari do të konsiderohet si vet-sigurues për diferencën dhe do të bartë pjesën proporcionale të humbjes në përputhje me rrethanat.

Kalkulimi i vlerës për zbatimin e mesatares do të bëhet mbi të njëjtat baza sikur mbi bazat e kompensimit.

1.1.4        BAZA E KOMPENZIMIT

Shuma e pagueshme në rast të shkatërrimeve, dëmeve apo humbjes së pronës së siguruar do të jetë shpenzimi i riparimit apo kthimit në gjendje të mëparshme të pronës së dëmtuar pa zbritje të amortizimit, duke u siguruar se shuma e siguruar për godinat paraqet jo më pak se shpenzimin e rindërtimit të godinave në kohën e humbjes apo dëmit, në të njëjtën formë, madhësi dhe stil si dhe kushte si të jetë e re, edhe atë nëse godinat janë mirëmbajtur mirë.

1.2      ZHDËMTIMET E OFRUARA NË KËTË SEKSION

Siguruesi do të zhdëmtojë të siguruarin në bazë të shkatërrimeve, dëmeve apo humbjes së pronës apo të ndonjërës nga pronat e siguruara, të shkaktuara nga njëri prej rreziqeve të përmendura më poshtë.

1.2.1    ZJARRI, VETËTIMA, EKSPLODIMI, TËRMETI (me kusht që ri-siguruesi ta pranojë këtë rrezik),

1.2.2     AEROPLANI dhe mjetet tjera ajrore apo gjërat të hedhura prej tyre,

1.2.3     PËRPLASJA me pronën e siguruar nga një automjet rrugor apo shtazë e cila nuk i takon apo nuk është nën kontroll të te siguruarit apo ndonjë personi i cili kryen shërbime për të siguruarin,

1.2.4      TRAZIRAT, REBELIMI CIVIL, GREVAT, MBYLLJA E FABRIKËS NGA ANA E PRONARIT PËR PUNËTORËT, apo PERSONAT të cilët marrin pjesë në TRAZIRA TË PUNËS apo PERSONAT QËLLIMKËQINJË (me kusht që ri-siguruesi ti pranojë këto rreziqe),  por duke përjashtuar:

1.2.4.1      Dëmet Shkatërruese apo humbjet për shkak të rrethanave apo të ndodhura përmes konfiskimit apo shkatërrimit ose kërkesës me shkrim me urdhër të Qeverisë apo ndonjë Autoriteti Publik,

1.2.4.2      1,000 Eurot e para, të çdo dhe secilit dëm në respekt të shkatërrimit apo dëmit (përveç dëmeve nga zjarri apo eksplodimi), të shkaktuara drejtpërsëdrejti nga personat qëllimkeq, të cilët nuk veprojnë në emër të, apo nuk janë të lidhur me ndonjë parti politike.

1.2.5            STUHIA,  VËRSHIMI, BRESHËRI,DËBORA DHE RRESHQITJA E TOKËS, por duke përjashtuar:

1.2.5.1      100 Eurot e para të çdo dhe secilit dëm,

1.2.5.2      shkatërrimin apo dëmin nga ngrirja, fundosja e dheut,

1.2.5.3      shkatërrimi apo dëmtimi në rrethoja, porta dhe pronë të hapur,

1.2.5.4      shkatërrimi apo dëmtimi nga pesha e dëborës nën 150 kg/m²,

1.2.5.5      riparimi e vet rrëshqitjes.

1.2.6.       PËLCITJA E APARATURËS apo RRJEDHJA UJRAVE NGA  REZERVUARËT apo nga GYPAT DHE TUBACIONET, por duke përjashtuar 100 Eurot e para të çdo dhe secilit dëm,

1.2.7.     VJEDHJA apo ÇDO TENTIM hyrje apo dalje me forcë dhe dhunë në apo nga lokacioni (objekti),

1.2.8.          SULMI dhe/apo KËRCËNIMI ME DHUNË ndaj të siguruarit apo punëtorëve të tij.

1.3                  SHTOJCAT - ANEKSET

1.3.1            Në policë është deklaruar dhe palët janë pajtuar se lista e rreziqeve nën 1.2 më lartë, mund të zgjerohet apo të përfshijë humbjen apo dëmin e ndodhur nga rreziqet e përjashtuara në 10.1.7.

1.3.2            Për qëllimet e kësaj Police, Dëmet nga Trazirat dhe Grevat, do të nënkuptojnë humbjet apo dëmet në pronën e siguruar të shkaktuara drejtpërsëdrejti nga:

1.3.2.1      Veprimi i ndonjë personi i cili merr pjesë së bashku me të tjerët në ndonjë prishje të qetësisë publike (pavarësisht nëse është në lidhje me një grevë apo mbyllje të fabrikës nga pronari për punëtorët) duke mos qenë një ndodhi e cila përndryshe është e përjashtuar në 10.1.7, sipas kushteve të përgjithshme dhe përjashtimeve të kësaj Police,

1.3.2.2      Veprimi i ndonjë autoriteti të themeluar në mënyrë ligjore për ti dhënë fund apo përpjekjeve për ti dhënë fund trazirave të tilla apo për minimizimin e pasojave nga trazirat e tilla,

1.3.2.3      Veprimi me paramendim i ndonjë grevisti apo punëtori të cilit pronari ja ka mbyllur dyert e fabrikës, i bërë më tepër se një grevë apo rezistencë për mbylljen e fabrikës nga pronari për punëtorët,

1.3.2.4      Veprimi i ndonjë Autoriteti të themeluar ligjërisht për parandalimin apo përpjekjen për parandaluar apo për të minimizuar pasojat e një veprimi të tillë

Pavarësisht nga kjo që u tha më lartë, Siguruesi nuk do të jetë përgjegjës sipas kësaj Police për ndonjë humbje apo dëm nga:

a)                 zjarri apo eksplodimi dhe asnjë humbje apo dëm i cili del nga/apo është rrjedhojë e vjedhjes, thyerjes së godinës për vjedhje apo ndonjë orvatje e shkaktuar nga ndonjë person i cili është pjesëmarrës në to,

b)                Terrorizmi. Për qëllim të kësaj Police ‘Terrorizmi’ nënkupton përdorimin e dhunës për qëllime politike dhe përfshinë çdo përdorim të dhunës për qëllim të frikësimit të publikut apo një pjese të publikut.

Në çdo procedurë gjyqësore apo seanca tjera, ku Siguruesi pretendon se për arsye të dispozitave të këtyre përjashtimeve ndonjë humbje apo dëm nuk mbulohet nga ky sigurim, barra e argumentimit se një humbje apo dëm i tillë është i mbuluar duhet ti takojë të siguruarit.

Për ndryshe do të jetë objekt i termeve, përjashtimeve dhe kushteve të kësaj Police.

1.4                  PËRJASHTIMET

Siguruesi nuk do të jetë përgjegjës sipas këtij SEKSIONI për:

1.4.1.                        Pronën e shkatërruar apo të dëmtuar kur ajo i nënshtrohet ndonjë procesi të nxehjes (ngrohjes) artificiale,

1.4.2.                        Humbje ose dëme si konsekuencë e një rreziku të përshkruar më lartë;

1.4.3.                        Shkatërrim apo dëmtim në pajisjet elektrike nga lidhja e shkurtë apo mbi ngarkesa e që nuk rezulton me zjarr,

1.4.4.                        Humbje ose dëm për shkak të vjedhjes apo orvatjes për vjedhje nga (apo në konflikt me) ndonjë anëtar i familjes së të siguruarit, personelit apo shërbyesit shtëpiak.

1.5          SHTOJCAT - ANEKSET

Ky seksion përfshin:

1.5.1                    Shpenzimet për shembjen ose shkatërrimin e godinës së dëmtuar, largimit të mbeturinave, etj.

1.5.2                    Honorarë për Arkitektët apo Inspektuesit, gjatë rikthimit të godinës në gjendjen e mëparshme,

1.5.3                    Shpenzimet për riparimin e dëmeve aksidentale në gypat nëntokësorë të ujit, gazit apo ujërave të zeza si dhe gypave kullues, pastaj rrymës elektrike nëntokësore, kabllove telefonike si dhe gypave të karburanteve të naftës.

Duke u siguruar gjithmonë se Shuma e Siguruar për Godinat  në policë dhe/apo shtojcave të kësaj police, reflektojnë shpenzimet e plota të rindërtimit, duke përfshirë edhe shpenzimet shtesë si dhe shpenzimet sipas 1.5.1, 1.5.2 dhe 1.5.3, më lartë.

SEKSIONI  2  - TË MIRAT PËR TREGTIM

2.1                            DEFINICIONET

2.1.1                      PRONA E SIGURUAR

Të gjitha të mirat për tregtim,  të cilat i takojnë të siguruarit apo për të cilat ai është përgjegjës në lokacionin (objektin) e konstruktuar nga tullat dhe betoni, me pullaz me tjegulla të forta, beton, asfalt, pllaka metali apo pllaka të përbëra plotësisht të rezistueshme ndaj zjarrit, elementeve me përbërje minerali, duke përfshirë pajisjet e fiksuara dhe të montuara, dhe dekorimet e brendshme për të cilat siguruesi është përgjegjës.

2.1.2                      SHUMAT E SIGURUARA

Shumat e theksuara në (policë)-listë sipas këtij SEKSIONI

2.1.3    MESATARJA SIÇ APLIKOHET NË KËTË SEKSION

Çdo shumë e Siguruar është e deklaruar të jetë objekt i mesatares, d.m.th. nëse prona e siguruar në këtë mënyrë, në kohën e ndonjë shkatërrimi, dëmi apo humbje, bashkërisht duke qenë më e madhe se vlera e shumës së Siguruar, atëherë i Siguruari do të konsiderohet si vet-sigurues për diferencën dhe do të bartë pjesën proporcionale të humbjes në përputhje me rrethanat.

Kalkulimi i vlerës për zbatimin e mesatares do të bëhet mbi të njëjtat baza sikur mbi bazat e kompensimit.

2.1.4        BAZAT E KOMPENZIMIT

Shumat e pagueshme në rast të Shkatërrimit, Dëmit apo humbjes së pronës së Siguruar (ndryshe nga stoqet,  materialeve për tregtim dhe mallrave në besim) do të jenë shpenzimi i zëvendësimit, pa kurrfarë zbritje për amortizim, përveç në rastin e artikujve si rrobat dhe ndërresat si dhe artikuj tjerë të cilat pastrohen rregullisht.

2.2      ZHDËMTIMET E OFRUARA NGA NË KËTË SEKSION

Siguruesi do të zhdëmtojë të siguruarin në respekt të shkatërrimit, dëmit apo humbjeve si pasojë e njërit nga rreziqet e cekura në seksionin 1.2 më lartë.

2.3             SHTOJCAT - ANEKSET

Ky seksion përfshin:

2.3.1                                 Të mirat personale, prona e çdo drejtori, partneri apo ndonjë punonjësi, e cila nuk është e siguruar ndryshe, për një shumë e cila nuk i tejkalon 250 Euro për person,

2.3.2                                 Prona (ndryshe nga stoqet,  materialeve për tregtim dhe mallrave në besim), e cila nuk është e siguruar ndryshe, përderisa largohet përkohësisht nga objekti, për qëllim të pastrimit, renovimit apo riparimit, tek ndonjë objekt tjetër, që nuk është në zotërim të te siguruarit brenda Kosovës e cila Administrohet nga UN dhe në transit, për atje dhe nga atje, për një shumë e cila nuk i tejkalon 10% të shumës së siguruar dhe duke përjashtuar Shkatërrimin, Dëmin apo Humbjen nga rreziku  No. 1.2.5,

2.3.3                                 Shpenzimet e largimit të mbeturinave, në proporcion me atë pjesë të pronës së siguruar, dhe e cila është e dëmtuar nga një rrezik, deri në një shumë prej 1000 Euro,

2.3.4                                 Shpenzimet (për të cilën i siguruari është përgjegjës) e riparimit të dëmeve aksidentale në gypat nëntokësor të ujit, propan-butan gazit, dhe ujërave të zeza, gypave kullues, si dhe kabllove elektrike dhe telefonike nëntokësore, të cilat shtrihen nga objekti  deri në kyçjen e furnizimit publik.

2.4            PËRJASHTIMET

Siguruesi nuk do të jetë përgjegjës sipas këtij SEKSIONI për

2.4.1                     Pronën e shkatërruar apo e dëmtuar kur i nënshtrohet ndonjë procesi të  nxehjes (ngrohjes) artificiale,

2.4.2              Humbje ose dëme si konsekuencë të çfarëdo rreziku të përshkruar.

2.4.3                     Shkatërrimi apo dëmtimi në pajisje elektrike nga lidhja e shkurtë apo mbi ngarkesa e që nuk rezulton me zjarr,

2.4.4                           Humbjen apo dëmtimin e fakteve, marrëveshjeve, faturave të këmbimit, shënimeve zyrtare, parave, letrave me vlerë, parave apo pullave postare,

2.4.5                     Shpenzimet e hulumtimit të cilat janë të nevojshme për gjurmimin e informatave të regjistruara në dokumente, manuskripte, libra të biznesit, dhe shënimet në sistemin kompjuterik apo vlera e informacioneve të përfshira aty.

2.4.6                     Humbjet apo dëmet si  shkak i vjedhjes apo tentimit për vjedhje nga ndonjë anëtar i familjes së të siguruarit, personelit apo shërbyesit shtëpiak,

2.4.7                     Humbjet ose dëmet mashtruese,

2.4.8                     Dëmet në arkë apo makinat llogaritse të arkës (regjistrat e keshit), përveç nëse ato janë lënë të hapura derisa objekti ka qenë i mbyllur për biznes.

KUSHTET (TË ZBATUSHME NË SEKSIONET 1 DHE 2)

a)              Lokacionet (objektet) përfshinë të gjitha godinat  suplementare dhe të lidhura me objektin amë e të cilat janë në zotërim të te siguruarit, por nuk përfshijnë ndonjë oborr, kopsht, verandë, ndërtimet e jashtme, apo anekse tjera, përveç nëse janë përmendur në mënyrë specifike.

b)             I siguruari është i detyruar që të mbyllë të gjitha dyert me çelës -  dry, ti fiksojë ato me bulona si dhe të marrë masat  tjera mbrojtëse për sigurimin e lokacionit (objekteve) kurdo që ai është i mbyllur për biznes.

c)              I siguruari duhet ti mirëmbajë shënimet e kompletuara të  te gjitha blerjeve dhe shitjeve, gjatë periudhës së kësaj police, për të qenë ato të gatshme dhe në dispozicion në rast të një ngjarje (dëmi).

SEKSIONI 3 -  TË GJITHA RREZIQET NË PAJISJET ELEKTRONIKE

(Këto rreziqe do të mbulohen vetëm me miratimin e drejtorisë qendrore)

3.1         DEFINICIONET

3.1.1            PRONA E SIGURUAR

Çdo njësi e specifikuar në policë në bazë të këtij SEKSIONI, kur është brenda në lokacion (objekt).

3.1.2            SHUMAT E SIGURIMIT

 Shumat e theksuara në policë sipas këtij SEKSIONI

3.2                  ZHDËMTIMET E OFRUARA NË KËTË SEKSION

SIGURUESI do ta zhdëmtojë të siguruarin në bazë të Shkatërrimit, Dëmit apo Humbjes nga cili do rrezik,  çfarëdo qoftë ai dhe që nuk është i përjashtuar këtu më poshtë.

3.3                  PËRJASHTIMET

SIGURUESI nuk do të jetë përgjegjës për:

3.3.1            Amortizimin, prishjet graduale, mola, myku, parazitët, kushtet atmosferike, veprimi i dritës apo shkaqe tjera të cilat funksionojnë gradualisht,

3.3.2            Cilindo proces i pastrimit, riparimit, mirëmbajtja, konstruksionet e montuara apo modifikimet,

3.3.3            Zëvendësim apo riparim të pjesëve apo materialeve të cilat amortizohen shumë dhe kanë ndryshime të përsëritshme apo periodike për shkak të funksionimit apo përbërjes së tyre specifike. Në veçanti këto janë:

3.3.3.1      materialet ndihmëse, veglat e këmbyeshme, shënimet e këmbyeshme, shiritat e shënimeve mediale, mekanizmat e klasës së parë, burimet e dritës, etj.

3.3.3.2      Riparimi, kthimi në gjendjen e mëparshme apo zëvendësimi i gypave, shtangimi i disqeve transmetuese dhe bartja e imazheve të ndërmjetme, përveç në rast të ndonjë rreziku të specifikuar sipas SEKSIONIT - 1 – Godinat.

3.3.4            Ndonjë humbje apo dëm për të cilën është përgjegjës pala e tretë, në cilësinë e furnizuesit të prodhuesit apo shitës me pakicë, transportues, agjent i avancuar apo kontraktues,

3.3.5            Materialet me defekte, prodhime me të meta (gabime),  apo në rast të automateve me monedha dhe të ngjashme futja apo falsifikimi i monedhave apo ndonjë artikulli të jashtëm,

3.3.6            Ndonjë makinë e cila nuk gjendet në lokacion (objekt)

3.3.7            Shkatërrimi, Dëmi apo Humbja e shkaktuar nga rrjedhja apo edhe mbi-mbushja e baterive.

3.4                  SHUMAT E SIGURIMIT

Shumat e theksuara në policë për secilin SEKSION

Përgjegjësia e siguruesit në bazë të këtij SEKSIONI, për secilin dëm (humbje) në veçanti apo të grumbulluar për cilëndo periudhe të sigurimit, në asnjë rast nuk do ti tejkalojë,

3.4.1            Shumat e sigurimit të pasqyruara në policë,  

3.4.2            Asnjë limit të përgjegjësisë të  paraqitur në policë,

apo shuma tjera të cilat më vonë mund të zëvendësohen me ndonjë memorandum të mirëkuptimit,  ti bashkëngjiten policës dhe të nënshkruhen nga apo në emër të siguruesit.

Megjithatë, limitet e dhëna në nën-SEKSIONIN e mësipërm pasqyrojnë se  përgjegjësia e Siguruesit në cilën do periudhë të sigurimit është e limituar në shumën e gjithëmbarshme të sigurimit për të njëjtin seksion të prezantuar në listën e kësaj police.

Në rast të një humbje e cila rezulton në një dëm sipas këtij SEKSIONI, shuma e siguruar  do të  zvogëlohet për shumën e dëmit.

3.5                  PJESA E ZBRITSHME

Siguruesi nuk do të jetë përgjegjës për 250 Euro e para, për secilën dhe çdo humbje, e cila përndryshe mund të paguhet si EX GRATIA.

SEKSIONI 4 – HUMBJA E TË HYRAVE

4.1          DEFINICIONET

4.1.1              TË HYRAT

Paratë e paguara apo që duhet ti paguhen të siguruarit për mallrat e shitura dhe të shpërndara (minus çmimin neto të blerjes për mallrat e tilla) si dhe/ose për shërbimet ofruara afariste.

4.1.2              PERIUDHA E ZHDËMTIMIT

 Periudha e cila fillon me ndodhjen e dëmit dhe përfundon jo më vonë se 12 muaj kalendarik, gjatë të cilës realizimet afariste do jenë të influencuara nga pasojat e dëmit.

4.1.3              TË HYRAT VJETORE

Të hyrat gjatë 12 muajve kalendarik, menjëherë para datës së dëmit.

4.1.4              TË HYRAT STANDARDE

Të hyrat gjatë kësaj periudhe në 12 muajt kalendarik, menjëherë para datës së dëmit e cila korrespondon me Periudhën e Zhdëmtimit.

4.2                    ZHDËMTIMET E OFRUARA NË KËTË SEKSION

Nëse gjatë Periudhës së Sigurimit afarizmi i zhvilluar nga i siguruari në lokacionin (objektin) ndërpritet apo vështirësohet si rezultat i drejtpërdrejt i:

a)                  Shkatërrimeve, Dëmeve apo Humbjeve si pasojë e njërit nga rreziqet e siguruara në SEKSIONI 1.2 të Policës, apo

b)                  Dëmet e shkaktuara nga rreziqet në SEKSIONIN 1.2, për pronën në afërsi të lokacionit (objektit) (Shkatërrimet, Dëmet apo Humbjet e shkaktuara, më poshtë në këtë seksion të njohura me termin Dëm), Siguruesi do të zhdëmtojë të siguruarin për:

4.2.1      HUMBJEN E TË HYRAVE:    shuma nga e cila të hyrat gjatë periudhës së zhdëmtimit, si pasojë e dëmit,  do të jenë më të vogla se të hyrat standarde.

4.2.2        SHPENZIMET SHTESË:     shpenzime këto të nevojshme dhe të arsyeshme si konsekuencë e dëmit të ndodhur me qëllim që të mbrohen të hyrat gjatë periudhës se zhdëmtimit, por duke mos e tejkaluar shumën shtesë sipas paragrafit 4.2.1, nëse ka pasur, minus çdo shumë të kursyer gjatë periudhës së zhdëmtimit.

Me kusht që: ..........................................................

a)                   Nëse shuma e sigurimit është më e vogël se të hyrat vjetore, shuma që duhet paguar  të zvogëlohet në mënyrë proporcionale,

b)                   Ky zhdëmtim të anulohet, nëse biznesi administrohet nga një likuidator ose administrator ligjor apo është ndërprerë pa miratimin e Siguruesit.

Për më tepër, Siguruesi do të paguaj edhe  honorarët e arsyeshme të paguara nga i siguruari për auditorët e tij të kontabilitetit apo libra tjera të biznesit, dokumente ose prova dhe informacione siç mund të kërkohet nga Siguruesi.

4.3                    KUSHTE E ZBATUESHME NË SEKSIONIN 4

4.3.1              Në rast të dëmit i cili ndodh para fundit të vitit të parë afarist, rezultatet e biznesit deri në datën e dëmit do të përdoren si bazë mbi të cilën do të vlerësohet ndonjë humbje, e cila përndryshe do të jetë objekt i termeve dhe kushteve të Policës.

4.3.2              Është pra  një kusht,  precedent i çdo përgjegjësie sipas këtij SEKSIONI (ndryshe për sa i përket  parandalimit apo pengesave për përdorimin e lokacionit (objektit)), pagesa ishte dashur të bëhet, apo përgjegjësia të pranohet sipas SEKSIONIT 1, 2, apo 3 të kësaj Police.

SEKSIONI 5 – AKSIDENTET PERSONALE

5.1       DEFINICIONET

5.1.1    PERSONI I SIGURUAR  nënkupton të siguruarin dhe çdo partner, drejtor  ose punonjës të siguruarit të moshës 16 deri (65) vjeçare.

5.1.2    PAAFTËSIA TOTALE E PËRHERSHME  nënkupton paaftësinë e cila në mënyrë të përhershme, të plotë dhe të vazhdueshme e pengon personin e siguruar të ushtrojë afarizëm apo profesionin e tij, të çdo lloji, dhe e cila ka zgjatur njëqind e katër javë, dhe pas përfundimit të kësaj periudhe është  përtej shpresave se do të përmirësohet.

 5.1.3   PAAFTËSIA TOTALE E PËRKOHËSHME  nënkupton paaftësinë e cila në mënyrë komplete dhe të vazhdueshme e pengon personin e siguruar të ushtrojë profesionin e tij të zakonshëm.

5.1.4    PAAFTËSIA E PJESËSHME E PËRKOHËSHME  nënkupton paaftësinë e cila vazhdimisht e pengon personin e siguruar të ushtrojë një pjesë të konsiderueshme të profesionit të tij të zakonshëm.

5.1.5    AKSIDENTI  nënkupton lëndimet trupore të shkaktuara nga dhuna e jashtme dhe mjete të dukshme të cilat drejtpërdrejtë dhe pavarësisht nga ndonjë shkak tjetër rezultojnë me vdekje, paaftësi ose shpenzime mjekësore brenda dymbëdhjetë muajve kalendarik nga data e AKSIDENTIT nga i cili është shkaktuar lëndimi.

5.1.6    SHPENZIMET MJEKSORE  nënkupton pagesat apo obligimet e arsyeshme mjekësore, kirurgjike, hospitalizimin, kujdesin shtëpiak, të cilat janë të nevojshme pas një AKSIDENT për PERSONIN E SIGURUAR

5.2       PËRFITIMET E OFRUARA ME KËTË NEN

5.2.1    Nëse një PERSON I SIGURUAR ushtron një afarizëm do të pësojë një AKSIDENT,  SIGURUESI do të kompensojë të siguruarin sipas shkallës së kompensimit në vijim:

SHKALLA E KOMPENZIMIT

                                                                                                            Kompensimi

5.2.1.1.     Vdekja                                                                              Euro  10,000

5.2.1.2.      Paaftësia  e përkohshme                                                 Euro   10,000

5.2.1.3       Paaftësia totale e përhershme                                        Euro   10,000

5.2.2         Shpenzimet mjekësore                                                      Euro     1,000

5.3       PËRJASHTIMET

5.3.1    Siguruesi nuk do të jetë përgjegjëse,  për sa i përket AKSIDENTIT

5.3.1.1       I cili ndodh apo rrjedh si pasojë e:

5.3.1.1.1    Vetëvrasjes, vetë-lëndimit të qëllimshëm, dehjes apo sëmundjes mendore ose influencës së drogave, apo kur ai i ekspozohet me paramendim rreziqeve të pa nevojshme (në  përjashtim të orvatjes për të shpëtuar jetën e dikujt),

5.3.1.1.2        Shtatzënisë  apo lindjes së një fëmije, në rast të sigurimit të ndonjë personi të gjinisë femërore,

5.3.1.1.3        Luftës, invadimit, veprimeve armiqësore nga jashtë, gjendjes së  luftës (pavarësisht nëse lufta është shpallur ose jo), luftës civile, kryengritjeve, revolucionit, rebelimit, forcave ushtarake, trazirave, grevave apo trazirave civile,

5.3.1.1.4        Ndonjë defekti  apo gjymtimi fizik,  që ka ekzistuar më herët,

5.3.1.2      Të pësuara derisa /ose si pasojë e angazhimit në:

5.3.1.2.1        Shërbime apo operacione ushtarake, detare apo ajrore, motoçiklizmi, gjuetia, sportet dimërore, alpinizmi apo ngjitja në shkëmbi (që kërkon përdorimin e litarëve apo maskave), zhytja, kalërimi apo vozitja në çfarëdo lloj gare apo test të rezistencës (apo ushtrimi nga to) apo aviacion (përveç si udhëtar me biletë normale si dhe me një kompani ajrore të licencuar për bartjen e udhëtarëve),

5.3.1.2.2        çdo profesion fitimprurës jashtë biznesit apo profesionit të specifikuar këtu,

5.3.2          Për sa i përket çdo PERSONI TË SIGURUAR kompensimi nuk do të paguhet:

5.3.2.1  Jo më shumë se shuma e përcaktuar në nën-SEKSIONIN 5.2.1, për konsekuencat e të njëjtit aksident,

5.3.2.2  Përveç nëse Personi i Siguruar i është nënshtruar kujdesit të një mjeku të  kualifikuar i cili e përfaqëson Siguruesin, dhe nëse paraqitet nevoja,  ai do ti nënshtrohet një ekzaminimi mjekësor me shpenzimet e Siguruesit.

Në rast të vdekjes së Personit të Siguruar, Siguruesi gëzon të drejtën e një ekzaminimi “post – mortum”,  me shpenzimet e veta.

SEKSIONI 6 – PËRGJEGJËSITË PUBLIKE

6.1 DEFINICIONET

6.1.1    PUNËTOR  nënkupton:

6.1.1.1  Çdo person me kontratë për shërbime apo si praktikant tek i  siguruari,

6.1.1.2  Çdonjëri nga personat në vijim, derisa ai punon për të siguruarin në atë biznes,

6.1.1.3  Çdo person i vet-punësuar që ofron shërbime për të siguruarin,

6.1.1.4  Cilido person i vet-punësuar, i cili është huazuar nga i siguruari ose ai i është  huazuar të siguruarit.

6.1.2        PUNA (Veprimtaria) do të përfshijë:

6.1.2.1  Përgatitjen  dhe administrimin e mensave, sporteve sociale apo organizatave bamirëse të punëtorëve, si dhe shërbimet e të siguruarit për ndihmën e parë dhe shërbimet kundër zjarrit,

6.1.2.2  Punët private nga punëtorët për cilindo drejtor,  partner apo ndonjë zyrtar i lartë i të siguruarit me pëlqimin e tij.

6.1.3    PRONA, NË PËRGJEGJËSI APO NËN KONTROLL TË TE SIGURUARIT, nuk do të përfshijë rrobat apo të mirat personale të ndonjë punëtori.

6.1.4    LËNDIMET TRUPORE përfshinë vdekjen dhe invaliditetin.

6.2              ZHDËMTIMET E OFRUARA NË KËTË SEKSION

6.2.1    Siguruesi do të zhdëmtojë të siguruarin për të gjitha shumat,  për të cilat i siguruari do të ketë përgjegjësi ligjore që ti paguaj si kompensim, si dhe për shpenzimet e pretenduesit, por dhe shpenzimet për sa i përket rrethanave në vijim, e të cilat ndodhin në lidhje me biznesin e të siguruarit;

6.2.1.1 Lëndimet trupore aksidentale të cilit do personi, përveç të punësuarve,

6.2.1.2 Humbja apo dëmtimi i çdo prone / biznesi.

6.2.2    Për më tepër Siguruesi do ti paguaj të gjitha shpenzimet gjyqësore:

6.2.2.1 të rimarra nga ndonjë pretendues kundrejt të siguruarit,

6.2.2.2 të shkaktuara me pëlqimin me shkrim nga Siguruesi.

6.2.3    Siguruesi gjithashtu, në rast të vdekjes së të siguruarit, do të zhdëmtoj përfaqësuesit ligjor personal të te siguruarit sipas kushteve të kësaj Police, për sa i përket detyrimeve të siguruarit, duke u siguruar se një përfaqësues i tillë do të zbatojë, plotësojë dhe do te jetë objekt i termeve, përjashtimeve dhe kushteve të Policës për aq sa ato të mund të zbatohen, sikur të ishte vet i siguruari. Duke u siguruar gjithmonë se nëse limiti i zhdëmtimit është më i vogël se ndonjë pagesë e kërkuar për të shlyer një dëm të bërë kundrejt të siguruarit apo për të plotësuar ndonjë gjykim kundër tij, atëherë detyrimi i Siguruesit, për sa i përket shpenzimeve të tilla, duhet të jetë në proporcion të njëjtë, sikur limiti i zhdëmtimit të sjellë deri në atë shumë më të madhe, për të cilën i siguruari ka të drejtë ligjore për tu paguar.

Limitet e zhdëmtimit

Përgjegjësia për të gjitha kompensimet e pagueshme, për sa i përket një ndodhie të vetme apo serisë së të gjitha ndodhive vijuese, mbi/apo të cilat i atribuohen vetëm një burimi apo shkaku origjinal, është e limituar në Euro 100,000 .

6.3   PËRJASHTIMET

SIGURUESI nuk do të jetë përgjegjës për:

6.3.1    Detyrime të pretenduara nga i siguruari sipas marrëveshjes, përveç nëse një detyrim i tillë do ti jetë bashkangjitur në mungesë të një marrëveshje të tillë,

6.3.2    Humbja apo dëmi në pronë e cila i takon apo është në përgjegjësi apo kontroll të te siguruarit,

6.3.3    Zëvendësim, apo kthim në gjendjen e mëparshme të çfarëdo malli të shitur apo të furnizuar nga i siguruari apo të ndonjë lokacioni (objekti) të vendosur nga i siguruari apo të ndonjë pune me defekte, të kryer nga apo në emër të te siguruarit,

6.3.4    Lëndimet, humbjet apo dëmet e shkaktuara apo të cilat dalin nga:

6.3.4.1       pronësia, zotërimi, përdorimi nga i siguruari apo në emër të siguruarit për:

6.3.4.1.1        çfarëdo automjeti me lëvizje mekanike (apo një rimorkio të bashkangjitur), derisa është në ndonjë rrugë në kuptim të Rregullave të Sigurimit Motorik (Rreziku  për palët e treta),

6.3.4.1.2        çfarëdo lokomotive, anije, apo aeroplani,

6.3.4.2       çdo lifti për pasagjer, ashensori ose shkalle lëvizëse, të cilat i takojnë apo i janë dhënë me qira të siguruarit për mirëmbajtjen e të cilave i siguruari është përgjegjës.

6.3.5    çdo përgjegjësi e  të siguruarit në lidhje me pasurinë e sistemuar nga i siguruari, para aksidentit, lëndimeve trupore apo dëmeve në pronë,

6.3.6    çdo gabim apo humbje të çfarëdo informacioni, ekzaminimi, porosie apo trajtimi të bërë apo të dhënë nga i siguruari apo çdo gjë e përdorur apo e furnizuar në lidhje me to,

6.3.7    çdo mall i shitur, i furnizuar, i shpërndarë, dhe i bërë apo prodhuar nga ose për të siguruarin.

6.4              SHTOJCAT - ANEKSET

6.4.1        Me kërkesë të siguruarit, SIGURUESI do të zhdëmtojë edhe palët në vijim:

6.4.1.1  çdo zyrtar, anëtar komisioni apo ndonjë anëtar tjetër të mensave të punëtorëve, sporteve sociale apo organizatave bamirëse të te siguruarit apo ambulancat për ndihmën e parë ose shërbimet e zjarrfikësve, në bazë të përgjegjësive  të ndodhura në atë kapacitet,

6.4.1.2  çdo drejtor, partner apo punëtor i të siguruarit kundër detyrimit të ndodhur në një kapacitet të tillë dhe në respekt të së cilës i siguruari do të duhet të ketë të drejtë për zhdëmtim sipas këtij SEKSIONI, nëse dëmi është bërë kundër të te siguruarit,

6.5  KUSHTET E ZBATUESHME NË KËTË SEKSION

Për ndonjë humbje e cila del nga/apo në lidhje me ndonjë ndodhi apo seri të ndodhive pasuese mbi/apo të cilat i atribuohen vetëm një burimi apo shkaku origjinal, Siguruesi mund të paguaj limitin e zhdëmtimit, në respekt të (pas zbritjes nga ajo, ndonjë shumë e cila vetëm është paguar) apo nga pagesa e ndonjë bilanci të ndonjë limiti të zhdëmtimit për ndonjë periudhë të sigurimit, së bashku me shumën e ndonjë shpenzimi ligjor deri në datën e një pagese të tillë, dhe kështu do të heq dorë nga ndonjë interesim i mëtutjeshëm për rastin.

SEKSIONI 7 – PËRGJEGJËSIA E QIRAMARRËSIT

Zhdëmtimi i ofruar në këtë seksion

Siguruesi do të zhdëmtojë të siguruarin kundër të gjitha shumave për të cilat i siguruari ligjërisht i ka për detyrim që ti paguaj si qiramarrës (dhe jo si pronar), për dëmet në godinat e biznesit, pjesë të lokacionit (përveç muret e jashtme, rrethojave dhe portave) apo për pajisjet e fiksuara dhe të montuara të pronarit, por jo edhe kur lokacioni është lënë i pamobiluar apo pa mbikëqyrje, dhe që shkaktohet nga njëri prej rreziqeve në SEKSIONIN 1.2, të Policës, duke u siguruar se detyrimi në këtë rast do të jetë i limituar në 10% (dhjet përqind ) të shumës së siguruar sipas SEKSIONIT 1 të Policës.

SEKSIONI 8 – PËRGJEGJËSITË E PUNËDHËNËSIT

8.1  DEFINICIONET

8.1.1          PUNËTORI nënkupton

8.1.1.1  ndonjë person me kontratë për shërbime apo si praktikant, me të siguruarin

8.1.1.2  ndonjëri nga personat në vijim, derisa punon për të siguruarin në lidhje me biznesin,

8.1.1.3  ndonjë person i vet-punësuar që ofron vetëm punë,

8.1.1.4  ndonjë person i vet-punësuar i cili është huazuar apo marrë me qira nga i    siguruari.

8.1.2          BIZNESI do të përfshijë

8.1.2.1  Përgatitjen dhe menaxhimin e klubeve, sporteve sociale apo organizatave    bamirëse, për përfitim të punëtorëve si dhe shërbimet e të siguruarit për ndihmën e parë dhe shërbimet kundër zjarrit,

8.1.2.2  punët private nga punëtorët për ndonjë drejtor i cili është partner apo ndonjë zyrtar i lartë i të siguruarit me pëlqim nga i siguruari.

8.1.3        LËNDIMET TRUPORE përfshinë vdekjen dhe invaliditetin

8.2  ZHDËMTIMET E OFRUARA NË KËTË SEKSION

8.2.1        nëse ndonjë punëtor do të pësojë lëndime trupore të cilat dalin nga dhe në lidhje me punësimin e tij nga biznesi i të siguruarit, Siguruesi do të zhdëmtojë të siguruarin kundër të gjitha shumave për të cilat i siguruari ka obligim ligjor që ti paguaj si kompensim dhe për shpenzimet e pretenduesit, për sa i përket lëndimeve trupore dhe për më tepër do të paguaj të gjitha shpenzimet e ndodhura, duke pasur pëlqimin me shkrim të Siguruesit.

8.2.2        Siguruesi po ashtu, në rast të vdekjes të siguruarit, do të zhdëmtojë përfaqësuesin personal ligjor të te siguruarit, sipas termeve të kësaj Police, për sa i përket detyrimit të ndodhur nga i siguruari, duke u siguruar se përfaqësuesi i tillë personal, do të zbatoj, plotësoj dhe do te jetë objekt i termeve, përjashtimeve dhe kushteve të Policës për aq sa ato të mund të zbatohen, sikur të ishte vet i siguruari

8.3  PËRJASHTIMET E ZBATUESHME NË KËTË SEKSION

Kjo police nuk e zhdëmton të siguruarin, në respekt të ndonjë dëmi i cili del në lidhje me përdorimin e makinerisë për përpunimin e drurit, të cilat punojnë me avull,gaz, ujë, rrymë elektrike apo fuqi tjetër mekanike. Makinat për përpunimin e drurit, nuk do të duhej të përfshijnë, tornot, sharrat e holla, makinat shpuese, makinat për (me) rërë, mjetet e lëvizshme të cilat punojnë mekanikisht, dhe të cilat zbatohen për punë dore, përveç lavjerrësit dhe sharrave lëkundëse.

SEKSIONI 9 – XHAMI

9.1  ZHDËMTIMET E OFRUARA NË KËTË SEKSION  

Siguruesi do të zhdëmtojë të siguruarin në respekt të

9.1.1        Thyerja e pllakave të thjeshta dhe shtresave të xhamit të vendosura në dritare dhe dyer të lokacionit (objektit) pastaj xhami i brendshëm, që përbëhet nga pasqyrat e fiksuara në mur dhe xhami i fiksuar në vitrina apo banak dhe në artikujt sanitar, por vetëm nëse shpenzimi i zëvendësimit duhet të bartet nga i siguruari,

9.1.2        Shpenzimet e zëvendësimit të një xhamit të tillë.

9.2  PËRJASHTIMET

Siguruesi nuk do të ketë detyrim për

9.2.1        Xhami i thyer para datës së fillimit të kësaj police deri në zëvendësimin nga i siguruari,

9.2.2        Dritaret apo kornizat apo skeletet të çdo përshkrimi qoftë nga xhami, metali apo druri, përveç nëse ka një marrëveshje specifike nga Siguruesi për të kundërtën dhe një prim të përshtatshëm shtesë të paguar nga i siguruari.

9.2.3        Ndonjë gërvishtje sipërfaqësore, gdhendje apo plasaritje.

9.2.4        Mbishkrimet, zbukurimet, grafika, argjendimi apo punët dekorative, përveç nëse ka një marrëveshje specifike nga Siguruesi për të kundërtën dhe një prim të përshtatshëm shtesë të paguar nga i siguruari.

SEKSIONI 10 – KUSHTET E PËRGJITHËSHME DHE PËRJASHTIMET

10.1.1    Nëse në lidhje me ndonjë keqinterpretim të ndonjërës nga pronat e siguruara, apo ndonjë godine apo vendi, në të cilin një pronë e tillë është e përfshirë, apo ndonjë shtrembërim të ndonjë fakti material të njohur, për vlerësimin e rrezikut, apo ndonjë lënie jashtë e një fakti të tillë, Siguruesi nuk do të ketë detyrim sipas kësaj police, derisa të ketë lidhje me pronën e cila ka qenë e prekur nga një keqinterpretim, shtrembërim apo lënie jashtë, të këtyre fakteve.

10.1.2     Asnjë pagesë për sa i përket ndonjë primi, nuk do të llogaritet të jetë pagesë për Siguruesin, përveç nëse një formë e shtypur e faturës e nënshkruar nga një zyrtar apo një agjent i emëruar i Siguruesit, për të njëjtën, ti jetë dhënë të siguruarit.

10.1.3      I siguruari do ta njoftojë Siguruesin për ndonjë sigurim apo sigurime të cilat vetëm se janë aktive, apo të cilat munden më pas të jenë aktive, duke mbuluar ndonjë nga pronat e siguruara nëpërmjet kësaj, dhe sikur një njoftim i tillë të mos jepet dhe karakteristikat e  një sigurimi apo sigurimeve të tilla të mos konstatoheshin në policë apo në shtojcat e saj, nga apo në emër të Siguruesit para ndodhjes së ndonjë humbje apo dëmi, të gjitha përfitimet sipas kësaj Police do të humbin.

10.1.4    Ky Sigurim nuk mbulon:

10.1.4.1   Humbja apo dëmi në pronën, e cila është shkaktuar nga fermentimi

                       Vetjak, nxehje natyrore apo djegie spontane apo nga ndonjë proces i saj, i

                       nxehjes apo tharjes,

  10.1.4.2      Humbja apo dëmi i shkaktuar nga/apo përmes ose si pasojë e djegies së

                       pronës me urdhër të ndonjë autoriteti publik,

10.1.4.3     Zjarri nëntokësor.

10.1.5      Ky sigurim nuk mbulon asnjë humbje apo dëm i cili ose për nga origjina ose për nga shtrirja, në mënyrë direke ose indirekte, të afërt apo të largët, është shkaktuar apo ka pasur kontribut nga ndonjëra prej ndodhive në vijim, apo të cilat për nga origjina apo për nga shtrirja në mënyrë direke apo indirekte, të afërt apo të largët, dalin nga apo në lidhje me ndonjë ndodhi të tillë, që d.m.th. se janë:

10.1.6      tërmeti, erupsioni vullkanik,apo konvulsione tjera të natyrës apo çrregullimeve atmosferike,

10.1.7      lufta, invadimi, veprimet e armiqve të jashtëm, gjendja e luftës dhe veprimet luftarake (pavarësisht nëse është shpallur lufta ose jo), rebelimi, trazirat, rebelimi civil, kryengritjet, revolucionet, konspiracionet ushtarake, apo fuqia e uzurpuar, gjendja e jashtëzakonshme, apo shtet-rrethimit, apo ndonjë nga ngjarjet apo rastet të cilat e përcaktojnë shpalljen apo mbajtjen e gjendjes së jashtëzakonshme apo shtet-rrethimit, apo luftës civile,

10.1.8      ndonjë humbje apo dëm i cili ndodh gjatë ekzistimit të kushteve jo normale (qofshin ato fizike apo tjera), të cilat në mënyrë direke apo indirekte, të afërt apo të largët, të shkaktuara apo të kontribuar nga apo të dala nga ose në lidhje me njërin nga ndodhitë e përmendura, do të llogaritet si një humbje apo dëm, i cili nuk është i mbuluar nga ky sigurim, përveç nëse shtrirja të cilën i siguruari duhet ta dokumentojë se një humbje e tillë apo dëm ka ndodhur pavarësisht nga ekzistenca e kushteve të tilla jo normale.

10.2            në ndonjë veprim, padi apo veprim tjetër, ku Siguruesi pretendon se për arsye të dispozitave këtij kushti, ndonjë humbje apo dëm nuk është mbuluar nga sigurimi, barra e dokumentimit se një humbje apo dëm i tillë është i mbuluar, duhet të bie mbi të siguruarin.

10.3            përveç nëse ndryshe dhe qartë konstatohet në Police, ky sigurim nuk i mbulon:

10.3.1    Mallrat e mbajtura në besim (trust) apo me autorizim (ose komision),

10.3.2    Shufra Ari apo gurët e çmuar të papërpunuar,

10.3.3    Diçka të rrallë apo ndonjë vepër arti për një shumë e cila tejkalon 50 Euro,

10.3.4    Manuskriptet, planet, vizatimet apo dizajnët, mostrat, modelet apo shabllonet

10.3.5    Letrat me vlerë, obligimet apo dokumentet e çfarëdo lloji, vulat, monedhat apo, parat letër, çeqet, librat e kontabilitetit, si dhe libra tjera të biznesit;

10.3.6    Qymyri, kundër humbjes apo dëmit të shkaktuar nga djegia e tij spontane,

10.3.7    Eksplozivet,

10.3.8    Ndonjë humbje apo dëm i shkaktuar nga/apo përmes ose si pasojë e djegies, qoftë aksidentalisht apo ndryshe, të pyjeve, shkurreve, prerive, fushave të gjëra apo xhunglës, si dhe pastrimi i tokës me anë të zjarrit.

10.4      në ndonjërën nga rrethanat në vijim, sigurimi pushon së funksionuari në lidhje me pronën e prekur, përveç nëse i siguruari, para ndodhjes të ndonjë humbje apo dëmi, siguron miratimin e Siguruesit të shprehur nga shtojcat në Policë, nga ose në emër të Siguruesit:

10.4.1.1                nëse biznesi apo prodhimi ka ndryshuar, apo nëse natyra e profesionit, apo rrethana tjera të cilat prekin godinën e siguruar apo prona e siguruar e përfshirë të ndryshohet në atë mënyrë sa që do ta rrisë rrezikun e humbjes prej dëmeve nga zjarri.

10.4.1.2                nëse godina e siguruar apo prona e siguruar e përfshirë, bëhet e pa shfrytëzuar dhe si e tillë mbetet për një periudhë për më shumë se 30 ditë

10.4.1.3                nëse prona e siguruar, zhvendoset në ndonjë godinë apo vend tjetër, ndryshe nga ajo që këtu është e konstatuar se është e siguruar.

10.4.1.4                nëse interesi në pronën e siguruar kalon nga i siguruari në mënyrë tjetër, sesa nga dëshira apo veprimet e ligjit.

10.4.2    Ky sigurim nuk e mbulon ndonjë humbje apo dëm në pronë e cila në kohën e ndodhjes së një humbje apo dëmi të tillë, është e siguruar apo do të sigurohet, nga ndonjë policë tjetër.

10.4.3    Ky sigurim mund të ndërpritet në çdo kohë me kërkesën e të siguruarit, në të cilin rast Siguruesi do të mbajë përqindjen e zakonshme të periudhës së shkurtë, për kohën kur kjo policë ka qenë aktive. Ky sigurim po ashtu mund të ndërpritet në çdo kohë varësisht sipas zgjedhjes së Siguruesit, me një njoftim për një gjë te tillë që duhet ti jepet të siguruarit, në të cilin rast Siguruesi do të ketë detyrim të ri-paguaj sipas kërkesës, një përqindje proporcionale të primit për afatin e pa skaduar, nga data e anulimit.

10.4.4    Menjëherë pas ndodhjes së ndonjë humbje apo dëmi, i siguruari duhet ta njoftojë Siguruesin me telefon, fax e-mail, kurse njoftimin me shkrim pranë selisë së Siguruesit duhet ta bëjë brenda 5 ditëve.

10.4.4.1                një dëm me shkrim për humbjen dhe dëmin, i cili përfshinë një llogari e cila mund të jetë e arsyeshme dhe praktike, nga të gjithë artikujt apo njësitë e veçanta të pronës së dëmtuar apo shkatërruar, përkatësisht dhe nga shuma e humbjes apo dëmit, që kanë lidhje me vlerën e tyre në kohën e humbjes apo dëmit, duke mos përfshirë profitin e asnjë lloji.

10.4.4.2                Veçoritë e të gjitha sigurimeve tjera, nëse ka të tilla.

10.4.5    I siguruari po ashtu duhet gjatë tërë kohës dhe me shpenzime të tija të krijoj, sigurojë dhe të ja jap Siguruesit të gjitha veçoritë e tilla, planet, specifikimet, librat, kuponët, faturat, duplikatet apo kopjet e tyre, dokumentacionin, provat dhe informatat që kanë të bëjnë me dëmin, si dhe origjinën dhe shkakun e zjarrit dhe rrethanave sipas të cilave humbja apo dëmi ka ndodhur, dhe çdo çështje e cila që ka ndikim në detyrimin apo shumën e detyrimit të Siguruesit, kur mund të kërkohen në mënyrë të arsyeshme nga ose në emër të Siguruesit, së bashku me deklaratën e betimit apo në ndonjë formë tjetër ligjore për vërtetësinë e dëmit dhe ndonjë çështje e lidhur me rastin. Asnjë dëm, sipas kësaj police nuk do të konsiderohet si i pagueshëm, përveç nëse termet e këtij kushti janë plotësuar.

10.4.6    Me ndodhjen e ndonjë humbje apo dëmi në njërën nga pronat e siguruara me këtë police, Siguruesi mund:

10.4.6.1                 Të hyjë, ta marrë dhe ta mbajë në zotërim godinën apo lokacionin ku ka ndodhur      humbja apo dëmi.

10.4.6.2                Të marrë në zotërim apo të kërkojë ti dorëzohet asaj ndonjë pronë e siguruar në godinë apo në lokacion, në ko